aani tohi haravala

अशी सारखी सारखी कुठे हरवतेस
त्यानं विचारलं
नितळ आकाशातील चांदण्यांचे ठिपके करून
रांगोळी रेखण्यात मग्न असलेल्या
तिच्यापर्यंत त्याचा प्रश्‍न पोहोचलाच नाही
चांदण्यांची उठाठेव करणाऱ्या तिच्या
भावविभोर स्वप्नाळू डोळ्यात पाहताना
त्यालाही त्याच्या प्रश्‍नाची निरर्थकता उमगली
आणि दुधेरी चांदण प्रकाशात एक आकाशातला
आणि दुसरा भुईवरचा चंद्र न्याहाळण्यात
मग तोही हरवला