आज उगाचचं
आज उगाचचं
मनभर पसरलं आहे
उदासपणं,
दुधावर पसरलेल्या
दाट सायीसारखं
हात चालताहेत
रोजच्याच गतीनं
ठरावीक लयीत
आभाळातल्या काळ्या ढगांनी
केलीय गर्दी मनातही
गॅसवर चहाचं आधण
मनात विचारांची घुसळणं
कुकरच्या शिट्ट्या
मनातही दबलेले बाष्प
सवयीनं विळीवर भाजीचे काप
एकसारखे,
मनात विचारांची साखळी
एकसारखी, एकसंध
दारावरची बेल
दुधवाल्याची हाळी
अंगणात पेपरची गुंडाळी
भर दिवसा दाटून आलेलं आभाळ
घरभर अंधार
मनातही अंधार, काळा उदास
आज उगाचचंआज उगाचचं
मनभर पसरलं आहे
उदासपणं, दुधावर पसरलेल्या
दाट सायीसारखं
हात चालताहेत
रोजच्याच गतीनं
ठरावीक लयीत
आभाळातल्या काळ्या ढगांनी
केलीय गर्दी मनातही
गॅसवर चहाचं आधण
मनात विचारांची घुसळणं
कुकरच्या शिट्ट्या
मनातही दबलेले मान-अपमानाचे बाष्प
सवयीनं विळीवर भाजीचे काप
एकसारखे,
मनात विचारांची साखळी
एकसारखी, एकसंध
दारावरची बेल
दुधवाल्याची हाळी
अंगणात पेपरची गुंडाळी
भर दिवसा दाटून आलेलं आभाळ
घरभरही अंधार
मनातही अंधार, काळा उदास
आज उगाचचं
स्वाती हुद्दार